Бош прокуратура ҳузуридаги Департаментнинг Шайхонтоҳур туман бўлими томонидан ИИББ ходимлари билан ҳамкорликда ўтказилган тадбирда валюта айирбошлаш билан шуғулланиб келган А.А. (муқаддам ЖКнинг 177-моддаси билан судланган) 4 000 АҚШ долларини фуқаро Д.А.га 46,6 млн сўмга сотган вақтида ашёвий далиллар билан ушланган.
Шу каби, Департаментнинг Қўшкўпир туман бўлими томонидан ўтказилган тезкор тадбирда валюта айирбошлаш билан шуғулланиб келган М.Г. фуқаро Г.К.дан 3 200 АҚШ долларини 37,2 млн сўмга сотиб олишга келишиб, шундан 10 млн сўмни берган вақтида ашёвий далиллар билан ушланган.
Департаментнинг Олмалиқ шаҳар бўлими томонидан ИИБ ходимлари билан ҳамкорликда ўтказилган тадбирда эса, валюта айирбошлаш билан шуғулланиб келган А.Э. 3 000 АҚШ долларини фуқаро С.Д.га 35 млн сўмга сотган вақтида ушланиб, унинг ёнидан 170 АҚШ доллари ва 1 125 Қозоқ тенгеси ашёвий далил сифатида олинган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилган.