Бугун USAIDning Project HOPE дастури орқали яна бир танлов ғолиблари аниқланди. Сил касаллиги ва уни олдини олишда кенг жамоатчиликнинг хабардорлигини оширишга хизмат қилувчи ижодий материаллар муаллифлари USAID томонидан диплом ва совғалар билан тақдирландилар. Журналистларни қайта тайёрлаш Маркази ҳамда USAID ҳамкорлигида Хоразм, Бухоро, Навоий ва Қашқадарё вилоятларида ташкил этилаётган семинар-тренинглар журналистларнинг ихтисослашувида катта кўмак бермоқда.
-Бугунги тадбирда ғолиб бўлганим менга янада ижодий масъулият юклайди. Асосий мақсадимиз юртимизда аҳолининг соғлом турмуш тарзига ўз ҳиссамизни қўшиш. Шунингдек, ҳудудларда сил касаллиги билан оғриган беморларга психологик кўмак берган ҳолда, уларнинг соғайиб кетишида фаол бўлиш. Эндиликда босма нашрларда сил касаллиги мавзусини янада кенгроқ ёритишни мақсад қилганман,-дейди «Хоразм тиббиёти» газетаси муҳбири Мафтуна Рўзиматова.
Ўзбекистонда бир неча йиллардан буён фаолият юритиб келаётган ушбу дастур нафақат жцрналистлар учун, балки фтизиатор шифокорлар, аутричлар ҳамда беморлар учун ҳам катта амалий лойиҳалар билар фаоллик кўрсатмоқда. Ушбу дастур орқали миллий журналистика соҳасида амалиётда фтизиатор-журналистлар фаолияти шаклланди. Сил касаллигига қарши курашиш журналистлар учун ҳам бегона эмас!