Месяц: Май 2018

Таъкидлаш керакки, Давлат солиқ идоралари томонидан солиқ ва бошқа мажбурий тўловларнинг бюджетга ўз вақтида ва тўлиқ келиб тушишини таъминлаш билан бир қаторда аҳоли ўртасида солиқ маданиятини ошириш, тадбиркорлик фаолиятини юритишга оид кўникмаларини шакллантириб боришга йўналтирилган аниқ мақсадли чора-тадбирлар амалга оширилмоқда.
Айниқса, тўланган солиқларнинг нималарга сарфланиши, уларнинг республикамиз ҳамда фуқаролар ҳаётидаги ижтимоий аҳамиятини ёшликдан шакллантириб бориш мақсадида ёшлар ўртасида турли мавзуларда тарғибот ишлари ташкил этишга алоҳида эътибор қаратилмоқда.

Бу борада Ўзбекистон Республикаси Давлат солиқ қўмитаси ташаббуси билан ташкил этилган ва  Халқ таълими вазирлиги, Олий ва ўрта махсус касб-ҳунар таълими маркази билан ҳамкорликда ҳар йили анъанавий тарзда уч босқичда ўтказиб келинаётган «Солиқ билимлари – болаларга!» республика кўрик-танловининг аҳамияти ҳам катта бўлмоқда.
Анъанага мувофиқ жорий йилнинг 1 апрелидан 15 апрелига қадар танловнинг туман (шаҳар) босқичи, 20-25 апрель кунлари вилоят босқичлари ўтказилди. Мазкур танловнинг якуний республика босқичи эса 2018 йилнинг 23 май куни Тошкент солиқ коллежида бўлиб ўтди.

Ўзбекистон Республикаси Вазирлар Маҳкамасининг 2017 йил 29 июндаги “Маҳаллий бюджетнинг даромадлари базасини кенгайтириш заҳираларини аниқлаш ишларини ташкил этиш чора-тадбирлари тўғрисида”ги 445-сонли  қарори  ижросини таъминлаш бўйича  Бухоро вилоятида вилоят ҳокимлиги бошчилигидаги сектор раҳбарлари томонидан тизимли ишлар амалга оширилмоқда. Хусусан, Бухоро вилояти давлат солиқ бошқамаси ва унинг ҳудудий давлат солиқ инспекциялари ходимлари томонидан корхона ва ташкилотлар, маҳаллалар, деҳқон бозорлари ҳамда савдо комплексларида фуқаролар билан ташкил этилган учрашувларда кенг тушунтириш ишлари олиб борилмоқда.

Ўзбекистон Республикаси Президентининг 2018 йил 3 февралдаги «Ўзбекистон Республикаси туризм салоҳиятини ривожлантириш учун қулай шароитлар яратиш бўйича қўшимча ташкилий чора-тадбирлар тўғрисида»ги 5326-сонли фармони бу борадаги ишларни янги босқичга кўтаришда муҳим дастуриламал бўлмоқда. Ушбу ҳужжат ижросини таъминлаш, айниқса, ички сайёҳлик хизматини ривожлантириш борасида Хоразм вилоятида ҳам кенг кўламли ишлар олиб борилмоқда.
Хоразм вилояти давлат солиқ бошқармаси ҳамда Ўзбекистон Республикаси Туризмни ривожлантириш давлат қўмитаси Хоразм вилояти бўлими билан ҳамкорлик ташкил этилган давра суҳбатида ҳам асосий эътибор мазкур фармоннинг мазмун-моҳияти ҳамда ижросига қаратилди.
Тадбирда вилоят давлат солиқ бошқармаси ҳамда Ўзбекистон Республикаси Туризмни ривожлантириш давлат қўмитаси вилоят бўлими мутахассислари, маҳаллий туристик фирмалар ходимлари, меҳмонхона хизмати билан шуғулланувчи тадбиркорлар ҳамда ОАВ вакиллари  иштирок этди.

Бугун халқ билан доимий мулоқотда бўлиш, фуқароларни қийнаётган муаммоларга ечим топишнинг замонавий механизм ва самарали усулларини жорий этиш мамлакатимизда амалга оширилаётган ислоҳотларнинг устувор йўналишига айланмоқда. Бу эса, ўз навбатида, аҳолининг давлат ва жамиятга бўлган ишончини янада мустаҳкамлашга хизмат қилмоқда.
Ўзбекистон Республикаси Президенти девонининг Фуқаролар ҳуқуқларини ҳимоя қилиш, жисмоний ва юридик шахсларнинг мурожаатлари билан ишлашни назорат қилиш ва мувофиқлаштириш хизмати масъул ходимлари, турли вазирлик, муассаса ва идоралар, вилоят сектор раҳбарлари, давлат ва жамоат ташкилотларининг раҳбарлари ҳамда оммавий ахборот воситалари иштирокида Хоразм вилоятида ўтказилган навбатдаги оммавий қабулларда ҳам мазкур жараён яна бир бор амалий тасдиғини топди.

Хоразм вилояти 4-сектори, вилоят давлат солиқ бошқармасининг ташаббуси билан вилоят ҳокимлиги,туризмни ривожлантириш давлат қўмитаси вилоят бўлми, ёшлар иттифоқи вилоят кенгаши билан ҳамкорликда Хива шаҳар ва туман ёшлари учун ҳаво шарида учиш акцияси ҳамда Ичан қалъага саёҳат ташкил этилди. Унда Хива шаҳар ва туман мактаб ўқувчилари, болалар шаҳарчаси тарибияланувлари, ижтимоий ҳимояга муҳтож ҳамда кам таъминланган оилаларнинг фарзандлари иштирок этдилар.

Мамлакатимизнинг барча ҳудудлари қатори Бухоро вилоятини ривожлантириш ҳам бўйича улкан режалар асосида кенг қамровли бунёдорлик ишлари амалга оширилмоқда. Жумладан, Ўзбекистон Республикаси Президентининг 2017 йил 19 майдаги ПҚ-2980-сонли “2017-2019 йилларда Бухоро вилояти ва Бухоро шаҳри туризм салоҳиятини жадал ривожлантириш чора-тадбирлари тўғрисида”ги қарори ва  мазкур қарорга асосан  2017-2019 йилларда Бухоро вилояти ва Бухоро шаҳри туризм салоҳиятини жадал ривожлантириш Дастури асосида Бухоро шаҳрининг “Қадимий Бухоро” туристик ҳудудида айни пайтда кўчаларнинг кенгайтирилиши, йўлларнинг созланиши, биноларнинг таъмирланиши каби ишлар давом эттирилмоқда. Сайёҳлар ҳамиша гавжум бўладиган Арк ва Минораи Калон майдонлари ўртасидаги “Шаҳристон” бозорининг қурилиши ҳам қизғин паллада.

Мамлакатимизнинг барча ҳудудларидаги каби Хоразм вилоятида ҳам саноат корхоналари фалиятини жадал ривожлантириш, уларни замонавий технологиялар, асбоб-ускуналар ва бошқа зарур воситалар билан таъминлаш ҳамда кенг ҳажмли экспортбоп маҳсулотни ишлаб чиқариш борасида кенг кўлами ишлар амалга оширилмоқда. Шовот туманидаги “KATQAL’A-TEKS” қўшма корхонаси вилоятнинг энг йирик саноат корхоналаридан бири саналади. Мазкур корхона Буюк Британия давлати билан қўшма корхона сифатида 2016 йилда ўз фаолиятини йўлга қўйган бўлиб, унинг асосий фаолият тури тўқилган ва трикотаж пайпоқларини ишлаб чикаришдан иборат.

Хоразм вилояти давлат солиқ бошқармаси томонидан Ўзбекистон ёшлар иттифоқи вилоят кенгаши билан ҳамкорликда “Биз коррупцияга қаршимиз” мавзусида навбатдаги давра суҳбати ташкил этилди.

Хоразм вилояти давлат солиқ бошқармаси билан “Ўзбекконцерт” давлат муассасаси вилоят бўлими томонидан ўтказилган профилактик тадбирлар натижасида жорий йилнинг ўтган даври мобайнида 20 га яқин  ноқонуний концерт-томоша фаолияти, яъни расмий ҳужжатларсиз сухандонлик, раққосалик, хонандачилик ва созандачилик билан шуғулланиб келаётган фуқароларимиз фаолияти қонунийлаштирилди.